اتهــــــــام

ـ وإنتي يا مدام رانيا مين كان عارف إنك هتولدي هنا

رانيا مسحت دموعها وقالت

ـ جوزي وأمي وأختي والممرضة اللي كانت بتتابع حالتي

ـ وجوزك فين دلوقتي

وش رانيا اتغير

ـ مسافر

ـ مسافر فين

ـ في السعودية من شهرين

ـ وعرف إنك ولدتي

ـ أيوه كلمته فيديو بعد الولادة ووريته البنت

الضابطة سكتت لحظة وبعدين سألتها

ـ هل فيه أي خلافات بينك وبين جوزك أو عيلته بخصوص الحمل أو الميراث أو أي حاجة ممكن تخلي حد يأذيكي

رانيا بصت للأرض

ـ كان فيه خلاف بيني وبين حماتي

ـ خلاف إيه

رانيا ترددت لكن أمها اللي كانت واقفة عند الباب دخلت بسرعة وقالت

ـ خلافات عائلية عادية يا حضرة الظابط ملهاش علاقة بالموضوع

الضابطة بصتلها

ـ أنا بسأل بنتك

رانيا رفعت راسها وقالت بصوت واطي

ـ حماتي كانت مصممة إن أول طفل ليا يكون ولد عشان جوزي وحيد أبوه والعيلة عندها أرض وشركات وميراث كبير وهي كانت بتقول إن البنت مش هتحافظ على اسم العيلة

حسيت بقشعريرة في جسمي

يعني ممكن حد يسرق طفلة لمجرد إنها بنت

الضابطة سألتها

ـ وحماتك كانت موجودة في المستشفى

رانيا هزت راسها

ـ أيوه كانت هنا يوم الولادة وقعدت معايا شوية وبعدها قالت إنها هتروح تجيب حاجات للبيت

الضابطة طلبت اسم حماتها بالكامل وعنوانها ورقم تليفونها

وبعدين طلبت من مدير المستشفى يستدعي الممرضة سارة

لكن المفاجأة كانت إن سارة اختفت

مش موجودة في القسم ولا في استراحة الممرضات ولا حتى في سجل خروج العاملين

واحد من أفراد الأمن قال إنه شافها خارجة من باب الخدمة من حوالي ساعة ومعاها شنطة كبيرة

الضابطة اتغيرت ملامحها

ـ يعني فيه موظفة مرتبطة بالقضية خرجت من المستشفى من غير ما حد يراجع معاها

مدير المستشفى بدأ يبرر

ـ يا فندم إحنا لسه ما كناش عارفين إن فيه ج/ريمة

الضابطة قاطعته

ـ عشان كده لازم نتحرك بسرعة

وبعدين بصتلي وقالت

ـ يا مدام منى أنا عارفة إنك تعبانة لكن محتاجة منك تفتكري أي تفصيلة حصلت يوم الولادة أي حد دخل عليكي أي مكالمة أي زيارة حتى لو شايفاها مش مهمة

غمضت عيني وحاولت أرجع بذاكرتي لليلة الولادة

افتكرت إن حماتي الحاجة فوزية كانت زارتني قبل الولادة بيوم

كانت واقفة عند السرير وباصالي ببرود وهي بتقول

ـ يا منى أهم حاجة تخلفي بالسلامة وربنا يرزقكم بالولد اللي يفرح قلب أحمد

وقتها ضحكت وقلت لها