اتهــــــــام

الدكتور رد

ـ فيه أربع حالات ولادة في نفس الليلة لكن لحد دلوقتي ما نقدرش نجزم إن فيه أكتر من طفلتين حصل بينهم تبديل

أحمد حط إيده على راسه وقال

ـ أنا مش قادر أستوعب إن بنتي ممكن تكون مع حد تاني

بصيتله بمرارة وقلت

ـ بنتك بس يا أحمد طب وأنا مش أم برضه أنا مش من حقي أعرف بنتي فين

رفع عينيه ناحيتي وسكت

ولأول مرة من ساعة ما دخلنا المستشفى ما حاولش يدافع عن نفسه ولا يتهمني

بعد حوالي نص ساعة وصلت قوة من الشرطة ومعاهم ضابطة اسمها النقيب نهى

كانت ست في أواخر التلاتينات ملامحها هادية لكن عينيها مركزة في كل تفصيلة

طلبت مننا نحكي اللي حصل من البداية

ولما وصلنا لجزء تحليل الحمض النووي وقفت عند نقطة مهمة

ـ مين اللي طلب التحليل من الأساس

أحمد رد وهو بيتجنب النظر ليا

ـ أنا

ـ وليه

اتردد شوية وبعدين قال

ـ كنت شاكك إن الطفلة مش بنتي

الضابطة بصتله بثبات

ـ وعندك دليل على الشك ده

ـ لأ

ـ يعني اتهمت مراتك بالخيانة من غير أي دليل وبعد الولادة مباشرة طلبت تحليل نسب

أحمد اتضايق وقال

ـ أنا حر في بيتي

ردت عليه بصرامة

ـ حضرتك مش في بيتك دلوقتي إحنا في تحقيق بخصوص طفلة مفقودة واحتمال ج/ريمة تبديل أطفال وأي معلومة ممكن تكون مهمة

أنا بصيت لأحمد وكنت حاسة إن كل كلمة بتتقال بترجعلي وجع الأيام اللي فاتت

الضابطة قربت مني وسألتني

ـ يا مدام منى إنتي فاكرة شكل بنتك كويس

هزيت راسي بسرعة

ـ أيوه فاكرة كل تفصيلة فيها كان عندها علامة صغيرة فوق كتفها الشمال وشعرها كان أسود وناعم وعينيها كانوا مقفولين أغلب الوقت لكن لما كانت بتفتحهم كانوا غامقين

ـ آخر مرة شفتيها كانت إمتى

ـ تاني يوم بعد الولادة قبل ما الممرضة تاخدها عشان تعمل فحص روتيني قالتلي هترجعها بعد عشر دقايق لكن اتأخرت ولما سألت عنها قالولي إنها كانت في الحضانة عشان عندها مشكلة بسيطة في التنفس وبعدها جابولي الطفلة اللي كانت معايا

الضابطة كتبت كلامي بسرعة وبعدين سألتني

ـ الممرضة دي كان شكلها إيه

وصفتلها شكلها واسمها اللي كان مكتوب على البطاقة

سارة

وفجأة الضابطة رفعت راسها وقالت لمدير المستشفى

ـ عايزة سجل دخول وخروج كل العاملين في القسم وعايزة تسجيلات الكاميرات من ليلة الولادة لحد دلوقتي ومحدش يمسح أي تسجيل

مدير المستشفى رد بسرعة

ـ حاضر يا فندم

وبعدين الضابطة بصت لرانيا