الم بدون صوت

ا صوت الحلقة الأولى

رجعت من الشغل كالعادة متأخرة، دخلت الشقة بهدوء وأنا حاسة بتعب اليوم كله في جسمي. أول ما فتحت الباب، كانت ريحة الخـ,ـمر ضا..ربة في وشي.

كان قاعد في نص الصالة، والأز,,,,ايز مرمية حواليه كأنها شهادة على الخر….اب اللي بقى فيه.

بصّيت له بيأس، حطّيت الطلبات اللي كنت جايباها على الأرض، وبدأت أجمع الأز,,,ايز واحدة ورا التانية وأنا بقول بصوت واطي:

— حرام عليك نفسك بقى… كفاية.

بصّلي بتوهان كالعادة، وقال بصوت مبحوح:

— متعلّيش صوتك.

بصّيت له بو….جع وقر,,ف، وسكت.

كمّل كلامه وهو بيحك راسه:

— هاتي فلوس.

قلتله وأنا متنهّدة:

— هو أنا مش لسه مدّياك فلوس يا بابا؟

ردّ ببرود:

— خلصوا.

اتنفست بعصبية وقلت:

— مهو من الز,,,,فت اللي بتفضل تطفـ,ـحه طول اليوم! بقولك إيه يا بابا… مفيش فلوس.

صوته ارتفع فجأة، وهو بيزعق:

— يعني إيه مفيش فلوس؟!

زقّني بقوة، وقعّت على الأرض، واتجه لغرفتي.

سمعت صوت الدُرج وهو بيتفتح، والحاجات بتترمي في كل ناحية.

ماعدّاش دقايق، ورجعلي بعيون كلها غضب،

وقبل ما ألحق أتكلم، إيده كانت سبقت كلماته… وبدأ يضر,,,,بني بعـ,ـنف.

البارت الأول

ضر؟؟بني لحد ما حسّيت إن جسمي هيتهد بين إيده.

مسك الشنطة اللي كانت جنبي، فتحها بسرعة، وخد الفلوس.

نزل من البيت من غير حتى ما يبص وراه، ولا يشوف الضر..ب دا عمل فيا اي.

قمت من على الأرض بالعافية، جسمي كله بيوجعني، وعيوني كانت بتحكي اللي لساني مش قادر يقوله.

مشيت لحد أوضتي، ورميت نفسي على السرير.

وبدأت أبكي… ببكي على عمري، على وجعي، على ضر…بي، على كل لحظة وحشة عشتها من بعد ما ماما ما..تت.

عارفين… كان في إيدي أمشي، أسيبه وأرتاح، بس هو مش وحش… والله مش وحش.

هو بس من بعد مو…ت ماما، اتشقلب حاله.

بس أنا عارفة إنه من جواه كويس، عشان كده كل مرة أفكر أمشي وأبعـ,ـد عنه، أفتكر السؤال اللي بيكسـ,ـرني:

مين هيهتم بيه؟ مين هيصرف عليه؟

ومش بلاقي إجابة.

فأصبر نفسي… وأفضل معاه.

محستش بنفسي وأنا بنام من كتر الوجع، مش بس عشان جسمي تعبان… لكن عشان روحي كمان .

صحيت تاني يوم، وقلبي بيخبط من الخو.ف.

خرجت أشوفه رجع ولا لسه برا.

لقيته نايم على الكنبة، وإيده ماسكة صورة ماما.

ابتسمت بو..جع، دمعة خفيفة نزلت مني، أخدت الصورة من إيده بهدوء، وحطّيتها على الترابيزة.