رمونا فى الشارع.. لمشيره محمد
أمي اتحكم عليها بالإع*دام عشان قتلت أبويا،و مفيش بني آدم صدق إنها بريئة. وفجأة، قبل التنفيذ بخمس دقائق بس، أخويا الصغير قرب منها وهمس في ودنها بكلمة… وكل حاجة اتقلبت رأسًا على عقب.
روايــات_مشـيره_مـحمد
”متعيطش عليا يا بني،” أمي قالتها وهي الكلبشات في إيدها، صوتها كان ثابت بس غرقان تعب. “خلي بالك من إياد بس.”
أنا كان عندي سبعتاشر سنة لما النطق بالحكم طلع.
أبويا لقوه مقتول في المطبخ بتاعنا. طعنة واحدة بس. ومفيش أي أثر لكسر في الباب أو الشباك. الس*لاح بقى — وهو غرقان دم ودليل ملوش حل — لقوه مستخبي تحت سرير أمي.
بصماتها كانت عليه. وعبايتها كان عليها دم.
بالنسبة لكل الناس، الموضوع كان منتهي وواضح زي الشمس:
”هي اللي قتلته.”
أنا عمري ما نطقتها بعلو صوتي… بس بيني وبين نفسي صدقت.
وده كان الحمل اللي كاسر ضهري.
على مدار ست سنين، أمي — “كريمة” — كانت بتبعتلي جوابات من السجن.
”أنا معملتهاش يا ضنايا.”
”عمري ما كنت أئذي أبوك.”
”بوس إيدك صدقني.”
كنت بقرا كل كلمة في الجوابات دي.
بس مكنتش بعرف أرد عليها بإيه.
لأن الشك مبيصرخش في وشك، الشك بيفضل قاعد في حتة مستخبية وجواك في هدوء… لحد ما يدمرك خالص.
يوم التنفيذ جه أسرع بكتير مكنت متخيل ومستعد.
وادونا إذن بزيارة أخيرة. أخويا الصغير “إياد” بقا عنده تمن سنين دلوقتي، جسمه قليل وضعيف، وكان ماسك في كم بلوفره الأزرق كأنه القشة اللي متبت فيها عشان ميقعش.
أمي نزلت على ركبها على قد ما القيود سمحتلها. كانت خاسة وبان عليها الضعف — بس عيونها كانت هي هي منسيتش حنيتها.
همست وهي بتعيط: “زعلانة إني مش هكون جنبك وأشوفك وأنت بتكبر يا حبيبي.”
إياد جري على حضنها.
وفي اللحظة دي، وبصوت واطي أوي كدت مسمعوش، قال:
”ماما… أنا عارف مين اللي خبا الس*كينة تحت سريرك.”
الدنيا كلها اتجمدت في ثانية.
أمي جسمها خشب مفيتحركش. أنا نفسي حسيت بالهوا اتقلب قبل ما أستوعب الكلمة.
العسكري قرب خطوة وقال: “أنت قلت إيه يا واد؟”
إياد بدأ يصرخ ويعيط: “أنا شفته… ليلتها. مكنتش ماما.”
الجو فجأة بقا تلاجة.
مأمور السجن رفع إيده بسرعة وقال: “وقفوا الإجراءات فوراً!”
مكنتش احنا بس اللي واقفين في الأوضة.
عمي — “تامر” — أخو أبويا الصغير.
كان جاي قال إيه عشان “يودعها”.
