طبيب جـ.ـراح

رئيس اللجنة سأله

هل فيه تفويض رسمي موثق

مروان سكت

اللجنة كملت مراجعة باقي المستندات وبدأت تسأله عن اختلافات تانية

وفي كل مرة كان بيحاول يفسر الموضوع على إنه خطأ إداري أو مشكلة في النظام الإلكتروني

لكن الإجابات مكنتش كافية

وفي نهاية الاجتماع تم إبلاغه إن صلاحياته الإدارية المتعلقة بالمشروع هتتوقف مؤقتا لحين انتهاء المراجعة وإنه مش هيشارك في اعتماد أي تقارير جديدة تخص المشروع خلال الفترة دي

مروان خرج من الاجتماع ووشه شاحب

أول ما رجع مكتبه قفل الباب وفضل واقف عند الشباك

كان طول عمره فخور بسمعته المهنية

وكان بيعتبر نفسه من أنجح الجراحين في المستشفى

لكن دلوقتي بقى اسمه مرتبط بتحقيق إداري

والأصعب إنه مكنش عارف إذا كانت المستندات اللي ظهرت مجرد أخطاء من فريقه ولا فيه حد استغل حسابه من غير علمه

اتصل بالدكتور حسام

أول ما حسام رد قاله

إنت كنت عارف إن فيه تحقيق شغال

مروان رد بعصبية

أيوه بس الموضوع مش زي ما إنت فاكر

حسام سأله

طب إنت فاكر إيه

مروان سكت وبعدين قال #مشيره_محمد

أنا محتاج أعرف مين اللي كان عنده صلاحية الدخول على الحسابات دي

حسام رد عليه

ده لازم يتحدد من خلال التحقيق يا مروان لكن نصيحتي ليك متحاولش تخبي أي معلومة حتى لو شايف إنها هتضرك

مروان قفل المكالمة وهو غضبان

في نفس الليلة رجع البيت وقعد لوحده في الصالة

بص على صورة جوازه مع كلارا وافتكر يوم ما اتجوزوا

كانت كلارا وقتها لسه بتبدأ حياتها المهنية وكانت دايما بتشجعه وتفرح بنجاحه

كانت بتراجع معاه بعض الأوراق لما يطلب منها وبتفكره بمواعيد مهمة كان بينساها بسبب ضغط الشغل

لكن مع مرور السنين بدأ يتعامل مع وجودها كأنه شيء مضمون

كان فاكر إنها هتفضل مستحملة انشغاله وإنها هتسامحه مهما حصل

لحد ما جه اليوم اللي احتاجته فيه واختار إنه ميبقاش موجود

مسك تليفونه وفتح رقمها الجديد اللي حصل عليه من خلال محاميته

كتب رسالة طويلة وبدأ يمسح فيها ويعيد صياغتها

في الآخر بعت جملة واحدة

كلارا أنا محتاج أتكلم معاكي مش عشان الطلاق بس عشان فيه حاجات لازم تعرفيها عن المستشفى