زوجه مفقوده
جوزي يا دوب رفع عينه لما حطيت دبلتي على التربيزة قدامه وهو حاضن الست اللي معاه. ابتسم ببرود كأني بعمل “نمرة” وخلاص، وقال لي: “هنتكلم في البيت”. اللي مكنش يعرفه إني بقالي 6 شهور بجهز لحظة اختفائي تماماً، لدرجة تخلي الشرطة تدور على زوجة مفقودة، في نفس الوقت اللي نصبه وبلاويه بدأت تظهر فيه للنور.
كنت واقفة على طرف صالة الرقص بتفرج عليه وهو بيرقص مع عشيقته، كأن القاعة دي ملكهم لوحدهم.
طول عمره “جيمس” بيعشق لفت الأنظار، وده كان جزء من سحره لما اتقابلنا في كلية الحقوق؛ ذكي، شيك، ومستحيل متلاحظوش. بس بعد 15 سنة، عرفت الوش الضلم للصفة دي.. الرجالة اللي بتم*وت في الإعجاب مستعدين يضحوا بأي حاجة لو افتكروا إنهم لسه مسيطرين على الأمور.
”فيكتوريا بينيت” كانت لابسة أحمر.. طبعاً، لازم تلبس أحمر.
من نوع الفساتين اللي مش بتهسي، دي بتزعق وبتقول “أنا هنا”. كانت لازقة في جوزي في حفلة “أوشنسايد” الخيرية، نص الموجودين عاملين مش شايفين، والنص التاني بيبصوا عيني عينك. إيده كانت نازلة بوقاحة على ضهرها، ووشها قريب منه زيادة.. مفيش حد عاقل صدق إنهم بيناقشوا “قانون تقسيم المناطق” مهما حاول جيمس يبيع الكذبة دي.
واحدة من زوجات الشركاء قربت مني ومعاها كاس “مارتيني” وبالنبرة الصفرا اللي الستات بيستعملوها لما يحبوا يذلوكي أكتر ما يواسوكي، وقالت:
“لايقين على بعض أوي، مش كدة؟”
رديت ببرود: “فعلاً، لايقين.”
ردي أحبطها.. الناس دايماً مستنية الست المخدوعة تنهار، تعيط في الحمام، تض*رب حد بالقلم، أو تشحت الحب.. أي حاجة تخلي الموضوع مجرد “دراما ستات” بدل ما يتسمى باسمه الحقيقي: “قلة أصل محسوبة”.
بس أنا كنت “فوضوية” زمان.. دلوقتي أنا بجهز للموضوع ده من شهور:
سجلات مكالمات.
كشوف حسابات بنكية.
تحويل أصول وممتلكات.
مخزن سري.
حساب جديد، رقم جديد، وعنوان جديد.
وكل الأدلة اللي توديه في داهية.
في الوقت اللي كان جيمس مشغول فيه بتمثيل دور “الأستاذ” لفيكتوريا وبيهرب في اجتماعات وهمية، كنت أنا بتبني مخرج نضيف جداً، لدرجة إني هخرج من حياته من غير ما يحس.
”ماركوس” ساعدني.. صاحبي من أيام الكلية، وحش في الأمن السيبراني. من نوع الرجالة اللي فاهمين إن الهروب أحياناً مش محتاج نكد، محتاج “تكتيك”. بعت لي رسالة واحدة:
