الضربه القاضي
حصرى مشيره محمد
قرب مني وهو بيحط إيده في جيبه وقال بنبرة فيها تعالٍ:
”صباح الخير. يا رب تكوني استوعبتي الكلام اللي اتقال امبارح وعقلتي. أنا ما بحبش النكد، بس لما تتطاولي على أمي وأختي لازم تلاقي اللي يوقفك عند حدك.”
بصيتله في عينيه بثبات، وبابتسامة صغيرة جداً قلتله:
”صباح النور يا أحمد. عندك حق، كل واحد لازم يعرف حده كويس أوي.”
أحمد اتفاجئ بالهدوء بتاعي. كان متوقع نكد، خناق، أو على الأقل أمتنع عن الكلام. بس هدوئي ركبه القلق، وإن كان حاول يداريه.
ميار خرجت من الأوضة وهي بتتمطع وقالت بصوت عالي:
”أحمد، ابقى سيبلي الكارت بتاعك عشان رايحة أعمل سونار النهاردة، وهاتي معاكِ يا هانم الأكسنت بتاعتك عشان تفضيلنا نفسك بعد الضهر توديني المتابعة.”
رديت بكل برود:
”عن إذنكم، عندي شغل مهم جداً النهاردة ومسافرة مشوار تبع الشركة.”
دخلت اوضتي، قفلت الباب بالمفتاح، وبدأت ألم أغلى وأهم حاجاتي.
الورق الشخصي، الشهادات، الدهب اللي اشتريته بفلوسي، اللابتوب، وهدومي الغالية والمهمة بس. حطيت كل ده في شنطتين كبار، وقيلت شركة شحن خاصة تاخد الشنط على مخزن أمان لحد موعد الطيارة.
الساعة 12 الضهر، أحمد كان في شغله، وفاتن وميار كانوا قاعدين في الصالة بيتفرجوا على التلفزيون وبيطلبوا أكل ديليفري على حساب أحمد.
جرس الباب رن.
فتحت فاتن، ولقيت قدامها أستاذ طارق المحامي، ومعاه راجل أعمال ومهندس معاينة.
فاتن باستغراب وزعيق:
”مين حضراتكم؟ وداخلين كده إزاي؟ أستاذ أحمد مش هنا!”
دخل أستاذ طارق بثقة وقال:
”مساء الخير يا فندم. أنا أستاذ طارق المحامي الخاص بمدام صاحبة الشقة. ومعايا الباشمهندس والشتري المعاين جايين يعاينوا الشقة عشان تمام بيعها.”
فاتن اتصدمت، صرخت وقالت:
”بيع إيه وشقة إيه يا راجل أنت؟! أنت متخلف ولا جاي تنصب هنا؟ دي شقة ابني أحمد!”
خرجت أنا من الأوضة بمنتهى الهدوء وقلت:
”أهلاً يا أستاذ طارق. اتفضلوا معاينة الشقة. الصالة أهيه، والاوض جوا، وتقدروا تتفرجوا براحتكم.”
ميار قامت واقفة روايات_مشيره_محمد
بكرشها المترين وبتصرخ:
”أنتِ اتجننتي يا بت أنتِ؟! شقة مين اللي تبيعيها؟ دي شقة أخويا! أحمد لو عرف هيقطعك!”
بصيت لميار وقلت بكل برود:
”أخوكي ملهوش في الشقة دي غير هدومه اللي في الدولاب. الشقة دي ملكيتي الخاصة، متسجلة باسمي قبل ما أعرف وش أخوكي بسنتين. والنهاردة المحامي بتاعي بيخلص إجراءات البيع.”
