زى زيك

بس قاسم قاطعها وقال بغضب لا هتعصب يا مهره ومتكمليش لانك طلبتي الطلب ده قبل كده وانا رفضت طلاق مش هطلق .. اسمعي يا مهره انا لما جيت عندكم البلد وعرفت ان ابوكي اخد الارض بتاعتنا اللي انا ورثتها من بابا وبيزرعها من غير حتى ما يدينا خبر وقتها كنت ناوي احبسه مش اخذ منه تمنها او ابيعها له او اي حاجه من الكلام ده بس لما شوفتك يومها كنت مستعد ابيع كل اللي حيلتي وتبقي ليا وكانت فرحه عمري يومها لما هو بنفسه قال خدها مكان الارض ماشي مش هكذب عليكي الموضوع في الاول كان رغبه مش اكتر بس بعد كده بقى تحدي وجنون وبقيتي اكبر تحدي في حياتي وهعمل اللي اقدر عليه علشان اكسبه انا معاكي في اي حاجه والنهارده يوم مفتوح تقدري تطلبي اللي عايزاه غير اني اني اطلق وتكوني لحد غيري

مهره اتنهدت بضيق ويأس لانها مش اول مره تسمع منه الكلام ده وقالت بخنقه براحتك بقى بس لازم تفهم ان مفيش حاجه هتتغير وده اخري

قالت كده وراحت نامت على السرير قاسم قرب منها وقال ايه رايك ندي بعض فرصه انتي تجاولي تتقبليني و انا احاول اكون هادي معاكي بس هنحاول بجد هنجرب شهر واحد ولو فشلنا هعملك الي تطلبيه

مهره قعدت بحماس وابتسمت وقالت يعني لو قلت لك اني محبيتكش بعد الشهر ده هتطلقني

قاسم بصلها بغيظ وقال.. يا سلام هو الموضوع يفرح قوي كده على العموم تمام موافق بس زي ما قلت لك هنحاول بمعنى هتسمعي الكلام وتنفذي وبس

مهره اتوترت من كلامه وقالت يعني محاوله زي ايه مثلا

… يعني بمعنى هنكون سوا في كل حاجه هنخرج سوا ونتكلم سوا وننام سوا بس كل حاجه هنعملها سوا مش زي العاده انا اعمل وبس فهمتيني

مهره بلعت رايقها بارتباك لما فهمت قصده وهو ابتسم وقال ..يبقى فهمتى.. ايه رايك نجرب حالا وقبل

مهره كانت زي العاده مش بتبادله مشاعره ابدا بس المره دي كانت في حاجه مختلفه غمضت عينيها باستسلام لانه لاول مره يعاملها بالحنيه دي

قاسم بعد شويه وبص لعيونها

بلعت ريقها وهزت راسها بالرفض وهيه متاكده انه مش هيسمع لها ابدا بس اتفاجئت لما قال.. على راحتك يا قلبي براحتك خالص

وقام من جنبها وهو بيحاول يتنفس وياخذ نفسه ويهدى كان بيحاول يكسب رضاها ومستغرب ومش مصدق انو بعد عنها

في الوقت ده

مهره مكانتش مصدقه رمشت بعنيها بدهشه

قالت.. هو انت بجد هتسبني