زى زيك
مهرة..القاسم والأخير
انتي بتاخدي حبوب علشان متخلفش يا مهره
مهره نزلت دموعها بخوف منو وقالت..انا..انا
قاسم حاول يهدى ويكبت غضبه بالعافيه علشان ميهدش كل الي عملو معاها وقال..انتي ايه يا مهره انتي ايه..ده انا كنت بفكر نروح لدكتور وبالفعل اتكلمت مع دكتور ثقه..كنت هاخدك ونروح نعرف ايه الحكايه..وانتي بتاخدي حبوب ومن غير ما اعرف حتى ورمي الشريط بغضب
مهره بصتلو بدموع وقالت…انا..انا اسفه..انا عارفه انك نفسك في اطفال بس…
قال بغضب شديد بس ايه..بس مستاهلش مش كده وشدها من درعاتها وقال بغضب..مستاهلش تفرحيني…مش هتتغيري انا بحاول على الفاضي انتي مش عيزاني مش عيزاني وبتضيعي وقت وخلاص
ودفعها وبص بعيد وهو ضامم اديه بغضب شديد بس صدمتو لما حضننتو من ضهره وحطت راسها عليه وقالت بدموع…لا..لا انا عيزاك..عيزاك ومبقتش عايزه حد غيرك يا قاسم والله ما بقصد اجرحك ابدا
بعد اديها عنه وبصلها وقال بغضب..خلاص يا مهره ..انا فاهم..كل شيئ كان واضح انا الي بجيب التعب لنفسي قال كده ولسه هيمشي قالت بسرعه ودموع
قاسم انت السبب في كل ده..انت السبب
بصلها وقال بسخريه..طبعا..حمليني كمان مسأوليه كذبك عليا
قالت بدموع..لا انا مش بحملهالك..لان دي حقيقه…كنت عايزني اخلف ازاي منك وانا مش طايقه ابص في وشك..كنت عايزني اخلف ازاي وانت كنت كل ما تقربلي بتقتلني عايزني اخلف واحد افضل كرهاه من كرهي ليك..عايزني اخلف طفل يشوف امو كل دقيقه وهيه بتتهان وتضرب وتتشتم قدامو..كنت حابب يحضر مسرحيه زي الي عملتها من اسبوعين..لما جبت عشيقتك البيت…رد عليا سكت ليه
قاسم حس بالم جواه من كل كلمه قالتها وقال بدموع..بس..بس انا اتغيرت علشانك ..انا بطلت كل ده و
قربت منو ومسكت ايده وقالت..وانا بطلتو..اقسم بالله بطلتو بس نسيت ارمي الشريط..من وقت ما قولتلي اديني فرصه وحسيت انك بتحاول وثقت فيك بطلتو..انا كمان نفسي اخلف منك نفسي قوي يا قاسم
قاسم فضل يبصلها بدموع وحط اديه على خدودها وقال…انتي معاكي حق تخافي ..معاكي حق سامحيني اذا اتعصبت عليكي
ضحكت وقالت..اذا
ضحك بخفه وقال..لا اتعصبت بس
مهره قربت منو وقالت بابتسامه..مش زعلانه ومش عيزاك تزعل ابدا..وقربت وبقت تلعب في اذرار قميصه بدلال وقالت انا حاسه..ان مكتوب لنا نجيب طفل عن محبه..يعني بعلاقه نكون احنا الاتنين مبسوطين فيها
