مقلب99

بصيت في عينيه وسألته

هو الدم وصل لك

اتوتر للحظة صغيرة جدا لكنه تدارك نفسه بسرعة

أيوه طبعا والدكتور قال إن التبرع جه في الوقت المناسب

كنت مستنية الإجابة دي

طلعت موبايلي وفتحت الكاميرا كأني باخد صورة لينا سوا

قلت له

طب خد صورة حلوة عشان أفضل فاكرة اليوم ده طول عمري

ضحك وحضني من كتفي وابتسم للكاميرا

احتفظت بالصورة

ما كنتش عايزة الصورة نفسها لكن كنت عايزة أحتفظ بكل حاجة هتفيدني في الوقت المناسب

بعد شوية دخل مازن وهو شايل كيس فيه عصير وحاجات للأكل

أول ما شافني قال

يا سلام على الحب يا جماعة ده إنتوا محتاجين فيلم لوحدكم

كريم ضحك وقال

ما هو ده اللي هيحصل قريب يا عم مازن

بصلي وقال

على فكرة إحنا قررنا نعمل حفلة صغيرة بكرة بالليل ونجمع كل صحابنا وأهلنا عشان نحتفل إن كريم قام بالسلامة

سألته

حفلة فين

في قاعة كبيرة في فندق في القاهرة وسارة كمان هتيجي

أول ما سمعت اسمها حسيت إن قلبي اتقبض لكن ما بينتش أي حاجة

قلت بابتسامة

جميل جدا وأنا هاجي طبعا

كريم بص لمازن نظرة سريعة وبعدها رجع يبصلي

كنت متأكدة إن الحفلة دي جزء من الخطة

وإنهم مش ناويين يسيبوني أخرج منها بنفس الحالة اللي دخلت بيها

بعد شوية كريم قال إنه محتاج يرتاح فخرجت أنا ومازن مع بعض

وأول ما بعدنا عن الأوضة مازن قال

على فكرة يا ندى أنا عايز أقولك حاجة

قول

كريم بيحبك جدا وإحنا كلنا عارفين كده بس إنتي ساعات بتكبري المواضيع وبتخافي من غير داعي

بصيت له وقلت

يعني إيه

يعني بلاش تشكي في أي حاجة بتحصل بكرة وخليكي واثقة في كريم

ابتسمت وقلت

ما تقلقش يا مازن أنا بقيت واثقة جدا

مازن ابتسم وهو فاكر إنه كده طمني

ما كانش يعرف إن ثقتي الوحيدة بقت في إني لازم ما أصدقش ولا كلمة منهم

خرجت من المستشفى واتقابلت مع داليا في كافيه قريب

أول ما شافتني قالت

إنتي شكلك مش طبيعي يا ندى

حكيتلها كل اللي حصل من أول مكالمة مازن لحد كيس الدم واللي سمعته في أوضة كريم

داليا فضلت باصة لي ومش قادرة تتكلم

وبعدين قالت بغضب

يعني الناس دي ضيعت مستقبلك وشوهت سمعتك وكل ده كان لعبة

هزيت راسي

أيوه

قالت

والله لو بإيدي كنت رحت جبتهم من قفاهم وفضحتهم دلوقتي

مسكت إيدي وقلت

أنا مش عايزة أعمل حاجة من غير دليل يا داليا أنا عايزة أعرف إيه اللي مخططين له بكرة

داليا فكرت شوية وبعدين قالت