اتهــــــــام

أنا بصيتلها وقلبي بيتقطع عليها

دي رانيا منصور

الأم اللي بنتها المفروض تكون في حضني

قربت منها رغم تعبي وقلت

ـ إنتي رانيا

هزت راسها وهي بتعيط

ـ أيوه أنا رانيا بنتي اتولدت امبارح بالليل أو بالأصح من يومين ونص أنا خرجت من أوضة العمليات وشفتها وبعدها قالولي إنهم هينقلوها للحضانة شوية عشان نفسها كان ضعيف ولما طلبت أشوفها الصبح جابولي الطفلة دي وقالوا لي إنها بنتي بس أنا عارفة بنتي كويس دي مش بنتي

بصيتلها وأنا بحاول أستوعب كلامها

ـ وأنا كمان بنتي اختفت

مسكت إيدي بقوة وقالت

ـ يعني بنتك وبنتي اتبدلوا

ما قدرتش أرد

لأن السؤال الحقيقي ما كانش مين بنت مين

السؤال كان مين اللي عمل كده وليه

في اللحظة دي دخلت ست كبيرة في السن كانت لابسة عباية كحلي وطرحة غامقة ووراها شاب لابس بالطو أبيض

أول ما شافت رانيا صرخت فيها

ـ إنتي بتعملي إيه هنا يا رانيا هو إنتي مش كفاية عليكي اللي حصل

رانيا لفت ناحيتها وقالت بذهول

ـ ماما إنتي بتقولي إيه أنا بنتي اتسرقت

الست قربت منها وشدت إيديها بعنف

ـ وطي صوتك فضحتينا قدام الناس كلها

رانيا سحبت إيدها منها وهي بتعيط

ـ فضحتك إيه يا ماما دي بنتي مش لاقياها

أنا كنت بتفرج على المشهد ومش فاهمة حاجة لكن لاحظت إن الست الكبيرة أول ما شافت السوار اللي في رجل الطفلة اللي في حضني وشها اتغير

ثانية واحدة بس  #مشيره_محمد

لكن كانت كفاية إني آخد بالي

بصت للسوار وبعدين بصت لمدير المستشفى وسألت بسرعة

ـ هو فيه إيه هنا

مدير المستشفى رد بجدية

ـ فيه تحقيق بخصوص احتمال تبديل طفلين وإحنا محتاجين نعرف كل الموجودين في قسم الولادة وقت الحادثة

الست شهقت وحطت إيدها على صدرها

ـ تبديل أطفال إزاي يعني هو المستشفى بقى فيها إهمال للدرجة دي

لكن رانيا بصتلها فجأة وقالت

ـ إنتي عرفتي منين إن فيه تبديل أطفال قبل ما حد يشرحلك حاجة

الست اتلخبطت

ـ هو إنتي بتتهميني يا بت

ـ أنا ما اتهمتش حد أنا بس بسأل

مدير المستشفى طلب من الأمن يبعدوا الست عن الغرفة لحد ما يسمعوا أقوالها لكن قبل ما تخرج بصتلي نظرة خلت جسمي كله يقشعر

كانت نظرة خوف

مش خوف من اللي حصل

خوف من إن حد يكتشف حاجة

وبعدها خرجت

أحمد كان طول الوقت ساكت لكن لما الباب اتقفل قرب من الدكتور وسأله

ـ هو فيه كام طفل اتولدوا في نفس الوقت اللي بنتنا اتولدت فيه