فاصل ولن نعود
حصرى مشيره_محمد
كريم اتلخبط وقال
\- أنا قصدي ندى ترجع تتكلم معانا ونصلح اللي حصل زمان
ضحكت وقلت
\- تصلحوا إيه بعد خمس سنين
وفجأة باب المكتب الرئيسي اتفتح وخرج منه راجل في أواخر الستينات لابس بدلة أنيقة وماسك ملف في إيده
بصلي وقال
\- أستاذة ندى الاجتماع جاهز والمستشار القانوني وصل
قلتله
\- حاضر يا عمي فؤاد أنا جاية حالا
أول ما كريم سمع الاسم وشاف الراجل اتغير لونه
فؤاد الشافعي كان والد عمر ورئيس مجلس إدارة المجموعة اللي شركتي بقت جزء منها بعد شراكتنا الأخيرة
لكن اللي كريم ماكانش يعرفه إن الراجل ده كان كمان صاحب شركة إنتاج إعلامي كبيرة
شركة كانت من أكبر الجهات اللي بتتفاوض مع صناع المحتوى على حملات إعلانية وعقود شراكة
فؤاد بص لكريم وقال
\- حضرتك كريم منصور صح
كريم بلع ريقه وقال
\- أيوه يا فندم
فؤاد فتح الملف اللي في إيده وطلع منه ورقة
\- غريبة الصدف فعلا أنا كنت لسه براجع ملف شركتكم من يومين
كريم بصله بقلق
\- ملف شركتنا
فؤاد رد
\- أيوه شركة الإنتاج اللي بتدير القناة بتاعتك
في اللحظة دي حسام ومعتز بصوا لبعض بخوف
كريم حاول يضحك
\- حضرتك أكيد فيه سوء تفاهم
فؤاد هز راسه وقال
\- مفيش سوء تفاهم إحنا كنا بندرس عقد تعاون إعلاني معاكم لكن أثناء المراجعة ظهر لنا محتوى قديم على قناتكم فيه إساءة واضحة لشخص واتعاملتوا مع الموقف باعتباره مادة للترفيه
كريم بصلي بسرعة
وأنا فهمت في اللحظة دي إن الفيديو القديم لسه موجود على الإنترنت
الفيديو اللي صوروني فيه وأنا بجري ورا العربية
الفيديو اللي الناس اتفرجت عليه وضحكت عليه
والفيديو اللي كريم كان فاكر إنه مجرد ذكرى سخيفة من الماضي
فؤاد كمل كلامه روايات مشيره محمد
\- إحنا مش بنتدخل في الحياة الشخصية لحد لكن لما يكون المحتوى قائم على إذلال شخص وتصويره في موقف خطر من غير موافقته فده بيخلينا نراجع قرار التعاون مع القناة
كريم بدأ يتكلم بسرعة
\- يا فندم ده كان مقلب بينا وبين مراتي ومكنش قصدنا نأذيها
بصيتله وقلت
\- كنت مراتك وقتها لكنك ماحترمتنيش حتى بالقدر اللي يخليك توقف التصوير لما شوفتني بخاف
كريم سكت
فؤاد قفل الملف وقال
\- القرار النهائي بخصوص التعاقد هيتاخد بعد مراجعة كل التفاصيل لكن إحنا مش هنقبل إن أي حملة إعلانية تتربط بمحتوى فيه إهانة متعمدة بالشكل ده
